E mision di FPNM ta pa tur mucha na Aruba di edat di 0 te cu 12 aña yega na un nivel di bienestar mas halto posibel, dor di duna sosten den lantamento di mucha pa e grupo meta mayornan y desaroyo profesional na Centronan di Cuido di Mucha y otro educadornan.
Bienestar ta un situacion unda bo ta sinti bon na nivel spiritual, fisico y social. Ta logra un estado di bienestar halto dor di fortifica e habilidadnan di mayornan y profesionalisa e centro di cuido di mucha y otro educadornan
Nos vision
Un Aruba uni pa e crecemento sano di tur mucha entre 0 -12 ana den un ambiente safe.
Nos meta
Nos meta ta pa eleva e calidad di Centronan di Cuido y Guia di Mucha. Ademas, pa tur mucha lanta den un ambiente safe enfocando riba e seguridad fisico y mental di e mucha.
FPNM ta usa como guia, e Tratado Internacional di Derechonan di Mucha proclama pa Nacionnan Uni. E enfoke principal ta riba articulonan 4, 5, 18 y 27.
E Tratado ta sirbi como guia principal pa FPNM ora cu ta organisa actividadnan of duna sosten na otro proyecto.
Aserca di e Tratado, FPNM ta enfoca riba ‘Sustainable Development Goals’ (SDG 3&4).
